Viniciusit i ofrohet pagë prej 200 milionë euro në vit nga një klub arab

11:28 | 28 Janar 2025
D.H

Vinicius Juniorit iu është afruar një klub arab duke dorëzuar një ofertë marramendëse.

Oferta në drejtim të Real Madridit është prej 300 milionë euro, teksa Vinicius do përfitonte 200 milionë euro në vit për një kontratë pesë vjeçare, raporton Diario AS.

Kjo do të ishte kontrata e parë miliardëshe në futboll dhe kostoja totale e këtij operacioni do të ishte 1.3 miliardë euro.

Klubi madrilen ka kthyer përgjigje se klauzola për lirimin e Viniciusit është 1 miliard euro.

Ky medium nuk e ka bërë publike emrin e skuadrës së interesuar për Vinin. Kujtojmë se ylli brazilian është pjesë e Real Madridit që nga vitit 2018 kur u transferua nga Flamengo./Arbresh.info

Shpërndaje në rrjete sociale

Të ngjashme